跟大家講一個故事。
螞蟻是一種「二維動物」，意思是螞蟻只能認知「前後左右」的方向，在牠們眼中，這個世界是一個沒有「高度」的平面世界。
而人類就是三維動物，可以在平地上奔馳，遇到障礙也能跳過它。
（＊注：很多科學家解釋「二維空間」同「三維空間」都喜歡用螞蟻作比喻。但其實螞蟻也是三維的，別少看螞蟻先生！不過，故事繼續吧～）
有一日，小明放學回家的時候，發現一隻螞蟻與他並行在同一條路上，於是小明就跟螞蟻打招呼。
「嗨～螞蟻！」小明。
「嗨！腳趾！」螞蟻。
「我叫小明！不是腳趾！」
「哈哈！你明明就是腳趾，腳趾哪有名字啊！」
原來，螞蟻根本看不到巨大的小明，在螞蟻眼裡，牠只看到小明的腳趾。
小明沒有跟牠爭論下去，反而覺得這樣好有趣，於是放慢腳步，與細小的螞蟻同步返回家中。
回到家門已經天黑了，深藍色的夜幕低垂。
螞蟻很高興可以認識到腳趾這個新朋友，於是牠把一粒米送他。
小明也很高興認識到螞蟻，他將螞蟻放在掌心後，指尖向天。
他把整個夜空送給螞蟻，因為螞蟻從沒見過星星。
＊＊＊＊＊＊
後記：
上次外國朋友來香港，佢話覺得香港人好惡。
不論眼神、語氣、態度，好似得罪香港人咁…
朋友話佢只係地鐵入閘行慢一步，坐的士問司機幾句。
朋友問我點解會咁？
我答佢，因為香港人時間太寶貴，連自己都唔夠用，點可能分畀其他人？
其實我自己作為香港人，都發現近幾年大家怨氣大咗好多。
相信好多人近年聽到「包容」「和諧」幾個字，一定會皺眉頭。
一定有人會講「而家咁既環境，我點包容得落啊！」
你可以唔包容晒全部人，但亦唔代表你可以對所有人冷漠。
唔應該有藉口，怨社會環境令自己變得咁冷漠。
我哋所做嘅每一件事，只單單代表你係咪一個有品德嘅人，與其他人、社會無關。
影片所見，有SEN嘅小朋友都一樣可以快樂健康咁成長，只要畀多少少耐性，用啱正確方法就得。
「點解我要花耐心時間落佢身上？每個學生都用同樣時間去教，咁先叫平等嘛！」
真正嘅「平等」，係每個人都有佢發展所長嘅機會。
就好似故事中嘅小明同螞蟻，螞蟻抬唔起頭望天，但小明可以幫佢，令佢睇到星星。
我認為一個發展嘅文明社會。
唔係鬥快賽跑，跑得最快先係精英出眾。
而係大家手牽手，互相扶持一齊邁進。
好多人都想改變世界，但無人能夠靠一人之力改變世界。
但其實唔使諗咁多㗎，用心去關懷身邊嘅人，呢個世界自然會變得更加好。
Samsung Solve for Tomorrow比賽，鼓勵學生以科技發明關心SEN學童，詳情：
https://www.samsung.com/hk/offer/solvefortomorrow_2018/
#Samsung #SolveforTomorrow2018 #SEN學童
Search